20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՌԴ-ն միշտ աջակցել է Հայաստանին և Ադրբեջանին սահմանազատման գործընթացում, պատրաստ է քարտեզագրական նյութեր տրամադրել․ Օվերչուկ
Քաղաքականություն
29.01.2025 | 16:57
Ռուսաստանը միշտ աջակցել է Հայաստանի և Ադրբեջանի միջև սահմանի սահմանազատման ու սահմանագծման գործընթացին և պատրաստ է տրամադրել քարտեզագրական նյութեր։ Այս մասին լրագրողի հետ զրույցում ասել է ՌԴ փոխվարչապետ Ալեքսեյ Օվերչուկը, գրում է ՌԻԱ Նովոստին։
«Մենք միշտ աջակցել ենք այդ գործընթացին»,- ասել է Օվերչուկը՝ մեկնաբանելով Հայաստանի և Ադրբեջանի միջև սահմանագծման և սահմանազատման գործընթացում առաջընթացը։
ՌԴ փոխվարչապետը նշել է, որ Մոսկվան պատրաստ է խորհրդատվական օգնություն ցուցաբերել երկրներին՝ ելնելով այս տեսակի աշխատանքի մեծ փորձից, այդ թվում՝ հենց Ադրբեջանի հետ։
«Ինֆորմացիոն մասով, գիտեք, որ Ռուսաստանն ունի համապատասխան քարտեզագրական նյութեր, որոնք, անհրաժեշտության դեպքում, կարող են տրամադրվել սահմանազատման և սահմանագծման գործընթացի կողմերին»,- հայտարարել է Օվերչուկը։
Թարգմանությունը՝ Էմմա Չոբանյանի
