30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Ուկրաինան հայտնել է Հյուսիսային Կորեայի զինվորների՝ զանգվածային կորուստներից հետո Կուրսկի մարզից հետքաշման մասին
Քաղաքականություն
28.01.2025 | 18:29
Հյուսիսային Կորեայի զորքերը մեծ կորուստների պատճառով դուրս են եկել Կուրսկի շրջանում շփման գծից, Sky News-ին հայտնել են ուկրաինացի զինվորականները։ Պուլս մականվամբ հրամանատարի խոսքով՝ հյուսիսկորեական զորքերի դուրսբերումը սկսվել է մոտ երկու շաբաթ առաջ։
Արևմտյան հետախուզության տվյալների համաձայն, որոնք վկայակոչում է BBC-ի ռուսական ծառայությունը, հունվարի կեսերին Հյուսիսային Կորեայի զորքերը Կուրսկի շրջանում շուրջ 4000 զոհ և վիրավոր են ունեցել: Սա Ուկրաինայի դեմ պատերազմին մասնակցող հյուսիսկորեացի զինվորների ընդհանուր թվի մոտավորապես մեկ երրորդն է։ Ուկրաինայի զինված ուժերը նման կորուստները բացատրել են մի շարք պատճառներով։
Այսպիսով, հյուսիսկորեացի զինվորները ոտքով առաջ շարժվելով, «ինչպես Երկրորդ համաշխարհային պատերազմի ժամանակ», հեշտ թիրախներ են դարձել ուկրաինական անօդաչու թռչող սարքերի և հրետանու համար: Նշվում է, որ կրակի տակ նրանք սովորաբար շարունակել են առաջ շարժվել։
Գերությունից խուսափելու համար հյուսիսկորեացի զինվորները նռնակներով պայթեցրել են իրենց։ Նաև լեզվական արգելքի պատճառով ԿԺԴՀ զինվորները վատ համակարգվածություն են ունեցել ռուսական զորքերի հետ, ասել է ուկրաինացի զինվորներից մեկը։ Նա պատմել է, որ ռադիոգաղտնալսումները ցույց են տվել, որ եղել է դեպք, երբ հյուսիսկորեացիները պատահաբար հարձակվել են ռուսական դիրքերի վրա։
Չնայած ծանր կորուստներին՝ Փհենյանը կարող է զորքերի նոր խումբ ուղարկել Ռուսաստան առաջիկա երկու ամսում, ավելի վաղ New York Times-ին հայտնել էին Պենտագոնի բարձրաստիճան պաշտոնյաները։
Թարգմանությունը՝ Տաթև Ֆռանգյանի
