12.09.2026 | 18:53
Հայկ Սարգսյանը մասնակցել է ՔՊ ժողովին
ԲՀԿ-ն, ՀՅԴ-ն և «Լույս» դաշինքը պետք է արմատական բարեփոխվեն, հակառակ պարագայում ապագա չունեն․ քաղտեխնոլոգ․ ՏԵՍԱՆՅՈՒԹ
Քաղաքականություն
25.09.2018 | 15:28
Երևանի ավագանու այս տարվա ընտրությունները պետք չէ համեմատել նախորդ տարվա ավագանու ընտրությունների հետ, քանի որ հեղափոխական էյֆորիան պահանջում էր ընտրության իրավունք ունեցողների ավելի մեծ ակտիվություն։ Այս մասին այսօր հրավիրված մամուլի ասուլիսի ժամանակ ասաց քաղտեխնոլոգ Արմեն Բադալյանը՝ միևնույն ժամանակ ընդգծելով, որ այս արդյունքն արձանագրվեց նաև այն պատճառով, որ քաղաքական ուժերից մեկը ներկայացրեց հեղափոխության գաղափար, իսկ մյուս ուժերը տվեցին ընդամենը առկա խնդիրներն ու դրանց լուծման ուղիները։
«Ստեղծվեց տպավություն, որ քաղաքական ուժերից մեկը տվեց կյանքի գաղափար, մյուսները՝ խնդիրների լուծման ուղիներ, դրանով իսկ հակադրվեցին գաղափարն ու խնդիրները, մինչդեռ գաղափարի մեջ արդեն իսկ խնդիրները մտնում էին»,- ասաց քաղտոխնոլոգը։
Վերջինս նկատեց, որ 300 հազար մարդ իր ձայնը տալով «Իմ քայլը» դաշինքին աջակցեց վարչապետին։ «Վստահ եմ քվեարկողների մեջ ոչ ոք չի ճանաչում «Իմ քայլը» դաշինքի անդամներին»,- ասաց նա։
Արմեն Բադալյանը նաև նկատեց, որ Ազգային ժողովի ընտրությունների ժամանակ, սակայն, պատկերը այլ կարող է լինել, քանի որ Երևանի և Երևանից դուրս մարդկանց մտածելակերպը տարբեր է և ավագանու ընտրությունների ժամանակ այլ գործոններ են ի հայտ գալու։
Արմեն Բադալյանը վերջում նաև հավելեց, որ ԲՀԿ-ն, ՀՅԴ-ն և «Լույս» դաշինքը պետք է արմատական բարեփոխվեն, հակառակ պարագայում ապագա չունեն։
Մանրամասները՝ տեսանյութում
