16.02.2026 | 19:00
Կաթողիկոսին կարող են ձերբակալել, եթե ՔՊ-ն հաղթի հունիսի 7-ին․ մեղադրանքի առաջադրումը կանխատեսելի էր․ Անի Սամսոնյան․ ՏԵՍԱՆՅՈՒԹ
ԱՊՀ ղեկավարը հայտարարել է, թե «Հայաստանի համար դժվար կլինի առանց ԵՏՄ-ի և ԱՊՀ-ի շրջանակում համագործակցության»
Քաղաքականություն
27.01.2025 | 17:38
Հայաստանի համար դժվար կլինի առանց ԵՏՄ-ի և ԱՊՀ-ի շրջանակում համագործակցության, ՌԻԱ Նովոստիին ասել է Համագործակցության գլխավոր քարտուղար Սերգեյ Լեբեդևը։
«Իրականությունը սա է. Հայաստանին դժվար կլինի առանց ԱՊՀ երկրների, առանց ԵՏՄ-ի, ԱՊՀ-ի շրջանակում համագործակցության: Ինչո՞ւ անհարկի բարդություններ, դժվարություններ ստեղծել Հայաստանի ժողովրդի համար, ԱՊՀ երկրները և Բելառուսը, որքան գիտեմ, պատրաստ են օգնել Հայաստանին պահպանել այդ փոխգործակցությունը»,- նշել է Լեբեդևը։
Նա նաև հույս է հայտնել, որ Հայաստանը կվերադառնա ԱՊՀ շրջանակում լիարժեք համագործակցության։
Խոսելով Հայաստանի և ԱՄՆ-ի միջև ռազմավարական գործընկերության մասին վերջերս ստորագրված փաստաթղթի և ԵՄ-ին միանալու Երևանի ծրագրերի մասին՝ ԱՊՀ գլխավոր քարտուղարը նշել է, որ բազմաթիվ փաստաթղթեր ստորագրվում են, բայց հետո չեն իրականացվում։
«Բազմաթիվ փաստաթղթեր են ստորագրվում, բայց ոչ բոլորն են իրագործվում, հետո կյանքն իր շտկումներն է անում»,- ասել է Լեբեդևը։
Հիշեցնենք՝ հունվարի 24-ին Հայաստանի խորհրդարանի Եվրոպական ինտեգրման հարցերի հանձնաժողովը դրական եզրակացություն է տվել Հանրապետության՝ ԵՄ-ին անդամակցելու գործընթաց սկսելու մասին օրենքի նախագծին։
Թարգմանությունը՝ Տաթև Ֆռանգյանի
