02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
ԵՄ ԱԳ նախարարները համաձայնել են երկարաձգել Ռուսաստանի դեմ պատժամիջոցները
Քաղաքականություն
27.01.2025 | 17:20
Եվրամիության արտգործնախարարները համաձայնել են երկարաձգել Ռուսաստանի դեմ պատժամիջոցները այն բանից հետո, երբ Հունգարիան համաձայնել է չմիջամտել որոշման ընդունմանը՝ էներգետիկ անվտանգության երաշխիքների դիմաց, հայտնում է Reuters-ը։
Քվեարկությունը կարող էր խափանվել Հունգարիայի դիրքորոշման պատճառով, որը դեմ էր Ուկրաինայի տարածքով գազի տարանցման դադարեցմանը։ Բայց ԵՄ դեսպանների հանդիպման ժամանակ Եվրահանձնաժողովն իր հայտարարության մեջ խոստացել է շարունակել բանակցությունները Կիևի հետ Ուկրաինայի գազատարի միջոցով Եվրոպա գազի մատակարարման շուրջ:
Եվրահանձնաժողովը Բուդապեշտին տրամադրել է երկրի էներգետիկ անվտանգության երաշխիքներ, ասել է Հունգարիայի արտգործնախարար Պետեր Սիյարտոն։
«Հունգարիան ստացել է պահանջված երաշխիքները մեր երկրի էներգետիկ անվտանգության հետ կապված։ Եվրահանձնաժողովը պարտավորվել է պաշտպանել բնական գազի և նավթամթերքների մատակարարումները դեպի ԵՄ անդամ երկրներ»,- գրել է Սիյարտոն Facebook-ում:
Հիշեցնենք, որ ընդդեմ ՌԴ-ի ԵՄ պատժամիջոցները պետք է երկարացվեն վեց ամիսը մեկ՝ քվեարկությամբ։ Սա պահանջում է ԵՄ անդամ բոլոր 27 երկրների միաձայն աջակցությունը։
Թարգմանությունը՝ Տաթև Ֆռանգյանի
