09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԵՄ-ին անդամակցության օրենքի ընդունումը կնպաստի տարածաշրջանում խաղաղության հաստատմանը. Զեյնալյան․ ՏԵՍԱՆՅՈՒԹ
Քաղաքականություն
24.01.2025 | 12:21
ԱԺ Եվրաինտեգրման հանձնաժողովում քննարկվում է «Եվրաքվե»-ի նախաձեռնած «Եվրամիությանը ՀՀ-ին անդամակցության գործընթացի մեկնարկի մասին» օրինագիծը։
Օրենքի նախագիծն ԱԺ հանձնաժողովի նիստում ներկայացնում է «Եվրաքվե»-ի նախաձեռնող խմբի լիազոր ներկայացուցիչ Արտակ Զեյնալյանը։ Նա ընդգծեց, որ օրինագիծը ԵՄ-ին անդամացելու վերաբերյալ որոշում չէ, այն որոշում է այդ գործընթացի մեկնարկի մասին։
Արտակ Զեյնալյանի խոսքով՝ ՀՀ-ի ապագան անվտանգ դարձնելու համար հռչակում են ԵՄ-ին ինտեգրվելու մեկնարկը։
««Եվրամիությանը ՀՀ-ին անդամակցության գործընթացի մեկնարկի մասին» օրենքի ընդունումը կնպաստի տարածաշրջանում խաղաղության և կայունության հաստատմանը, ուժերի հավասարակշռության վերականգման միջոցով ՀՀ-ի անվտանգության ապահովման հնարավորությունների մեծացմանը։ Այն կնպաստի նաև ՀՀ բանակի համապատասխանեցմանը ԵՄ անդամ երկրների բանակների արդիական չափանիշներին»,- շեշտեց նա։
Նախաձեռնող խմբի լիազոր ներկայացուցիչը նաև ասաց, որ այս օրենքի ընդունման նպատակն առաջադեմ, քաղաքակիրթ ու զարգացած մարդկության ընտանիքին անդամակցելու Հայաստանի ժողովրդի, ներկայիս իշխանության կամքի վճռականության ամրագրումն է։
«Աշխարհաքաղաքական ներկայիս իրավիճակում օրենքի ընդունումը կմեծացնի Հայաստանի իշխանության ամրակայումն ու դիմակայունությունը»,- հավելեց Զեյնալյանը։
Մանրամասները՝ տեսանյութում։
