25.04.2025 | 23:30
Հայաստանի երիտասարդների հավաքականը սամբոյի Եվրոպայի առաջնությունում թիմային հաշվարկով գրավեց երկրորդ տեղը
Թուրքական զորքերը կմնան Սիրիայում. Թուրքիայի ՊՆ
Քաղաքականություն
23.01.2025 | 22:54
Թուրքիայի ռազմական ներկայությունը հարևան Սիրիայում կմնա և կարող է նույնիսկ վերաբաշխվել երկրի ներսում՝ «կախված անհրաժեշտությունից»։ Այս մասին հայտնել են Թուրքիայի ՊՆ աղբյուրները, գրում է Daily Sabah-ը։
Այս հայտարարությունները հնչում են ԱՄՆ-ի կողմից աջակցվող YPG-ի՝ PKK-ի սիրիական թևի ճակատագրի ֆոնին։ Աղբյուրները նշում են, որ թուրքական զինված ուժերի առաջադրանքները Սիրիայում դեռ չեն ավարտվել։
«Կախված անհրաժեշտությունից՝ կարող է դիտարկվել Սիրիայում մեր զորքերի վերաբաշխումը կամ նրանց տեղափոխումը տարբեր շրջաններում»,- ասել են նրանք։
Նշվում է, որ Թուրքիան նաև կապի մեջ է Սիրիայի նոր վարչակազմի հետ Ասադի տապալումից հետո՝ սիրիական բանակի պաշտպանական և անվտանգության կարողությունները բարձրացնելու համար:
«Տեղի բնակչությունը՝ ահաբեկչական խմբավորման գրաված հողերի իրական սեփականատերերը, այլևս չեն կարող հանդուրժել ահաբեկչական խմբավորումը և պահանջում են նրանց հեռացումը», – ասել են աղբյուրները։
Թարգմանությունը՝ Էմմա Չոբանյանի
