30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Դժվար է գուշակել՝ ինչ քաղաքականություն կվարի Թրամփի վարչակազմը Հարավային Կովկասում․ Զախարովա․ ՏԵՍԱՆՅՈՒԹ
Քաղաքականություն
23.01.2025 | 20:49
Մոսկվայի համար դժվար է կանխատեսել, թե ինչ քաղաքականություն կվարի ԱՄՆ նախագահ Դոնալդ Թրամփի վարչակազմը Հարավային Կովկասում։ Այս մասին իր ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Դժվար է, անկեղծ ասած, հիմա կանխատեսել, թե ինչ քաղաքականություն կկառուցի Թրամփի նոր վարչակազմը Հարավային Կովկասի հետ կապված։ Անցած տարիների փորձը ցույց է տալիս, որ տարածաշրջանի գործերին միջամտելու՝ կողմնակի անձանց փորձերը, որոնց թվում են, առաջին հերթին, Ամերիկայի Միացյալ Նահանգները և Եվրոպական Միությունը, ոչ մի լավ բանի չեն հանգեցրել»,- նշել է Զախարովան։
Ըստ ՌԴ ԱԳՆ պաշտոնական ներկայացուցչի՝ «Բաքվի և Երևանի միջև հաշտեցման և կայուն, ամուր խաղաղության իրական ճանապարհային քարտեզն արտացոլված է Ռուսաստանի, Ադրբեջանի և Հայաստանի ղեկավարների եռակողմ հայտարարությունների շարքում, որոնք կնքվել են 2020-2022 թվականներին»։
Մանրամասները՝ տեսանյութում։
Տաթև Ֆռանգյան
