30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Կուրսկի շրջանում շուրջ հազար հյուսիսկորեացի զինվոր է մահացել. BBC
Քաղաքականություն
22.01.2025 | 22:39
Հունվարի կեսերի դրությամբ՝ Հյուսիսային Կորեայի զորքերը Կուրսկի շրջանում կորցրել են մոտ չորս հազար սպանված ու վիրավոր, որից մոտ հազարը զոհվել է, պնդում են արևմտյան պաշտոնյաները։ Ըստ BBC-ի թղթակից Ֆրենկ Գարդների՝ սա շատ բարձր ցուցանիշ է, եթե հաշվի առնենք, որ ԿԺԴՀ-ն շուրջ 11,000 զինվորական է ուղարկել Ռուսաստանին օգնելու համար Կուրսկի շրջան, ուր ուկրաինական զորքերը ներխուժել էին անցյալ տարվա օգոստոսին։
Կորուստներ են համարվում սպանվածները, վիրավորները, անհետ կորածները կամ գերեվարվածները։ Այնուամենայնիվ, արևմտյան պաշտոնյաներն անանունության պայմանով BBC-ին ասել են, որ մարտերի ընթացքում զոհվել է մոտ 1000 զինվոր:
Սա զոհերի շատ բարձր մակարդակ է և ակնհայտորեն անընդունելի է Հյուսիսային Կորեայի զորախմբի համար՝ առանց զգալի համալրման, նշում է Գարդները։
Անհասկանալի է, թե որտեղ են բուժվում վիրավորները, պարզ չէ նաև, թե երբ և ինչ թվակազմով նրանք կփոխարինվեն։ Սակայն արդեն պարզ է, որ Հյուսիսային Կորեայի ռեժիմը թանկ է վճարում Ռուսաստանի օգնության համար, գրում է բրիտանական պարբերականը։
Թարգմանությունը՝ Տաթև Ֆռանգյանի
