08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Արգելվեց անչափահասներին էներգետիկ ըմպելիքների վաճառքը․ ԱԺ-ն օրենք ընդունեց
Հասարակություն
22.01.2025 | 16:45
ՀՀ-ում անչափահասներն այսուհետև չեն կարողանա էներգետիկ ըմպելիքներ գնել խանութներից և սուպերմարկետներից։
ԱԺ-ն երկրորդ ընթերցմամբ և ամբողջությամբ ընդունեց «Առևտրի և ծառայությունների մասին» օրենքում լրացումներ կատարելու մասին նախագծերի փաթեթը։
Ըստ համահեղինակ Ալխաս Ղազարյանի`օրինագծի նպատակն է խթանել հանրային առողջության պաշտպանության և երիտասարդ սերնդի առողջ ապրելակերպը։
Նախագծի քննարկման ժամանակ ՔՊ պատգամավորը նշեց, որ առաջարկվում է սահմանել «էներգետիկ ըմպելիք» հասկացությունը և արգելել դրանց վաճառքը 18 տարին չլրացած անձանց։
Կսահմանափակվի նաև էներգետիկ ըմպելիքների գովազդը՝ սահմանելով վարչական պատասխանատվություն արգելքներն ու սահմանափակումները խախտելու համար:
