18.12.2025 | 23:24
ՀՀ տարածքում ավտոճանապարհները հիմնականում անցանելի են
Պանամայի ջրանցքը մենք չենք տվել Չինաստանին, տվել ենք Պանամային, ու մենք այն հետ ենք վերցնում․ Թրամփ
Քաղաքականություն
21.01.2025 | 11:14
«Կարճ ժամանակ անց մենք պատրաստվում ենք փոխել Մեքսիկական ծոցի անունը, մենք այն կանվանենք Ամերիկյան ծոց, իսկ լեռը կանվանակոչենք ԱՄՆ մեծ նախագահ Ուիլյամ Մաք-Քինլիի անունով՝ Մաք-Քինլի լեռ»,- այս մասին երդմնակալության արարողության ժամանակ հայտարարել է ԱՄՆ 47-րդ նախագահ Դոնալդ Թրամփը։
«Նախագահ Մաք-Քինլին (Ամերիկայի Միացյալ Նահանգների 25-րդ նախագահը Հանրապետական կուսակցությունից, որ պաշտոնավարել է 1897-1901 թթ․-խմբ․) մեր երկիրը շատ հարստացրեց․ նա բնատուր բիզնեսմեն էր և Թեդի Ռուզվելտին (Թեոդոր Ռուզվելտ, ԱՄՆ 26-րդ նախագահը՝ Հանրապետական կուսակցությունից, որ պաշտոնավարել է 1901-1909 թթ․-խմբ) մեծ գումարներ թողեց շատ մեծ գործերի համար, ներառյալ Պանամայի ջրանցքի, որը հիմարաբար տրվեց Պանամայի Հանրապետությանը․․․ Մտածեք այն մասին, որ այս նախագծի վրա ավելի շատ գումար է ծախսվել, քան երբևէ որևէ նախագծի և 38 000 կյանք է կորսվել հանուն Պանամայի ջրանցքի:
Մեզ հետ շատ վատ են վարվել այս հիմար նվերից հետո, որը երբեք չպետք է տրվեր, և Պանամայի Հանրապետության տված խոստումը խախտվել է: Մեր գործարքի նպատակն ու մեր պայմանագրի էությունն ամբողջությամբ խախտվել են։ ԱՄՆ նավատորմի նավերը գերծանրաբեռնված են։ Չինաստանն է շահագործում Պանամայի ջրանցքը, իսկ մենք այն չենք տվել Չինաստանին, տվել ենք Պանամային, ու մենք այն հետ ենք վերցնում»,- ասել է Թրամփը։
Թարգմանությունը՝ Անահիտ Խաչատրյանի
