15.05.2025 | 18:00
Դպրոցներում անցակետեր կտեղադրվեն // Լավրովի այցը Հայաստան մշակվում է․ ԼՈՒՐԵՐ
«Ազգային» բառը փոխարինում եք «համապետական»-ով․ անհեթեթություն է․ Լիլիթ Գալստյան․ ՏԵՍԱՆՅՈՒԹ
Քաղաքականություն
20.01.2025 | 14:05
Հայաստանի Օպերայի և բալետի թատրոնի, պատկերասրահի, գրադարանի և այլ մշակութային կառույցների անվանումներից նախատեսվում է հանել «ազգային» բառը։
«Հայաստան» խմբակցության պատգամավոր Լիլիթ Գալստյանը նշեց, որ այդպիսով իջեցվում է վերը նշված մշակութային կառույցների նշանակությունը։
«Ըստ էության, այս նախագծով կոնցեպտուալ փոփոխություն է նախատեսվում անել. դուրս է մնում «ազգային» կարգավիճակը։ Ընդհանուր 11 կառույցի շնորհվել է «ազգային» կարգավիճակ իրենց մշակութային գործունեության բացառիկ առաքելություն և դերակատարություն ունենալու համար։ Նախագծով պատճառաբանվում է, թե այդ բառը փոխարինվում է «համապետական»–ով, շեշտելով պետության դերակատարությունը։ Այդ կառույցներն այսպես թե այնպես պետական են»,– նշեց Գալստյանը։
Գալստյանը մեղադրեց փոխնախարարին բոլորին մոլորեցնելու փորձ անելու կամ նախագծին լավ չտիրապետելու մեջ։
Մանրամասները՝ տեսանյութում։
