02.10.2026 | 11:49
Պուտինը հայտարարել է, որ ՌԴ-ն ոչ ոքի միջուկային զենքով «չի սպառնում», այլ պատասխանում է «վախեցնելու փորձին»
«Սերժ Սարգսյանը ուզում էր հանձնե՞ր հայրենիքը». Աժ-ում կրկին քննարկվում է՝ ով է դավաճանը․ ՏԵՍԱՆՅՈՒԹ
Քաղաքականություն
20.01.2025 | 11:42
ՀՀ Ազգային ժողովի ընդդիմադիր «Պատիվ ունեմ» խմբակցության պատգամավոր Աննա Մկրտչյանը քաղաքական ակցիա իրականացրեց խորհրդարանում և իր ելույթից հետո պատին փակցրեց քարտեզ, որի վրա պատկերված էր Հայաստանին միացված ԼՂ-ն։
Աննա Մկրտչյանը իշխանություններին մեղադրեց դավաճանության մեջ։
Մինչ Մկրտչյանը փորձում էր փակցնել քարտեզը, ելույթով հանդես եկավ Ռուբեն Ռուբինյանը։
«Եկեք ֆիքսենք հետևյալը՝ Սերժ Սարգսյանի պատգամավոր տիկին Մկրտչյանը հենց նոր ՀՀ քարտեզն անվանեց մետաղի ջարդոն։ Ինչը, ըստ իս, վիրավորանք է ՀՀ հասցեին։ Տիկին Մկրտչյանը բերեց, ցուցադրեց մի քարտեզ, որի մեջ կապույտով նշված էր ԼՂ-ն ու հարակից 7 շրջանները և ասաց, որ սա մեր հայրենիքն է, հարգելի ժողովուրդ, և այս դավաճան իշխանությունները հանձնեցին մեր հայրենիքը»,- ասաց Ռուբեն Ռուբինյանը։
Ռուբինյանը հիշեցրեց Սերժ Սարգսյանի այն հայտարարությունը, որ Հայաստանը պատրաստ էր 5+2 շրջաններից դուրս գալ. «Չեք հերքի, պատրաստ էր հայրենիքից դո՞ւրս գալ, ուզում էր հանձնել հայրենի՞քը, դուք դավաճա՞ն եք, ձեր թիմը դավաճա՞ն է, ձեր թիմը դավաճանների հավաքածո՞ւ է»:
Մանրամասները՝ տեսանյութում։
