24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
2 միլիոնի ոսկուց 100 հազարի օգուտ էլ չենք ունենում․ ինչից են դժգոհ ոսկու շուկայի վաճառողները. ՏԵՍԱՆՅՈՒԹ
16.01.2025 | 19:26
2025 թվականի հունվարի 1-ից ուժի մեջ մտած Հարկային օրենսգրքի փոփոխությունների համաձայն՝ շրջանառության հարկի դրույքաչափը կրկնապատկվել է՝ առևտրի սուբյեկտների համար սահմանվելով 10%՝ նախկին 5%-ի փոխարեն։ Պետական եկամուտների կոմիտեն նոր փոփոխություններով պահանջում է նաև գործարքների մանրամասն փաստաթղթավորում։ Ոլորտի ներկայացուցիչները պնդում են, որ այդ պահանջները ոչ միայն բարդացնում են իրենց առօրյա գործունեությունը, այլև ստեղծում են լրացուցիչ ֆինանսական բեռ։ Factor TV-ն այսօր նկարահանում է արել «Ոսկու աշխարհ» առևտրի կենտրոնում, զրուցել աշխատակիցների հետ։
Հիշեցնենք, որ հունվարի 13-ին նրանցից շատերը հավաքվել էին կառավարության շենքի մոտ, բողոքում էին փոփոխություններից և ընդգծում, որ թեև ցանկանում են գործել օրենքի դաշտում, սակայն ներկայիս պայմաններում իրենց համար դա իրագործելի չէ։ Այդ օրը աշխատակիցները հանդիպել են նաև կառավարության ներկայացուցիչների հետ, որոնք խոստացել են մեկամսյա ժամկետում պատասխաններ տալ նրանց։
Մանրամասները՝ տեսանյութում։
Արփի Հակոբյան
