24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Թրամփի թիմը մտադիր է Ուկրաինայում խաղաղության հասնել ՌԴ-ի դեմ նոր պատժամիջոցների օգնությամբ
Քաղաքականություն
16.01.2025 | 21:59
ԱՄՆ նորընտիր նախագահ Դոնալդ Թրամփի խորհրդականները մշակում են պատժամիջոցների լայնածավալ ռազմավարություն, որը նախատեսված է Ռուսաստանի և Ուկրաինայի միջև դիվանագիտական համաձայնության հասնելու համար՝ միաժամանակ ուժեղացնելով ճնշումը Իրանի և Վենեսուելայի վրա: Թրամփի թիմը դիտարկում է երկու հիմնական մոտեցում, Bloomberg-ին հայտնել են իրավիճակին ծանոթ աղբյուրները։
Դրանցից մեկը վերաբերում է ռուսական նավթ արտադրողների նկատմամբ պատժամիջոցների թուլացմանը, եթե դա օգնի հասնել խաղաղության համաձայնագրի, և եթե նախագահական վարչակազմը տեսնի, որ հակամարտության կարգավորմանը հնարավոր է շուտով հասնել: Երկրորդ տարբերակը ենթադրում է պատժամիջոցների խստացում՝ Մոսկվայի վրա ճնշումը մեծացնելու նպատակով։
Ռուսաստանի նկատմամբ ավելի ագրեսիվ քաղաքականությունը կարող է ներառել երկրորդական պատժամիջոցների ավելի մեծ կիրառում նավթի առևտրում, այդ թվում՝ եվրոպական նավագնացային ընկերությունների և ասիական գնորդների, այդ թվում՝ Չինաստանի և Հնդկաստանի խոշոր ընկերությունների դեմ, ասել են Թրամփի թիմից։ Մյուս հնարավոր մոտեցումը դանիական և թուրքական նեղուցներով ռուսական նավթ տեղափոխող լցանավերի դեմ ավելի վճռական գործողություններ ձեռնարկելն է։
Եվրոպացիները կարող են օգնել Վաշինգտոնին այս հարցում։ Դեկտեմբերին սկանդինավյան 12 երկրներ պայմանավորվել են վերահսկել Բալթիկ ծովով ռուսական նավթ տեղափոխող լցանավերի աշխատանքը և ստուգել նրանց ապահովագրության առկայությունը։
Թարգմանությունը՝ Տաթև Ֆռանգյանի
