19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Բայրամովը հայտարարել է, թե ՀՀ-ում «ռևանշիստական միտումներն ու ռազմականացման քաղաքականությունն» անհանգստացնում են Ադրբեջանին
Քաղաքականություն
16.01.2025 | 19:18
Հայաստանում «ռևանշիստական» միտումներն անհանգստության տեղիք են Ադրբեջանի համար։ Նման հայտարարություն է արել Ադրբեջանի ԱԳ նախարար Ջեյհուն Բայրամովը Վրաստանի իր պաշտոնակից Մակա Բոչորիշվիլիի հետ Բաքվում հրավիրած մամուլի ասուլիսում։
«Այսօրվա հանդիպմանը քննարկվել են նաև Հարավային Կովկասի անվտանգության միջավայրն ու հետհակամարտային Հայաստան-Ադրբեջան խնդիրը։ Վրաց-ադրբեջանական հարաբերությունները բնութագրող գործոններից մեկը մեր աջակցությունն է միմյանց տարածքային ամբողջականությանը։ Նույնը չենք կարող ասել Ադրբեջանի նկատմամբ Հայաստանի վերաբերմունքի մասին»,- ասել է Բայրամովը։
Ըստ Բայրամովի՝ չնայած Ադրբեջանն ու Հայաստանը խաղաղության պայմանագրում հասել են բարձր արդյունքների և առաջընթաց են գրանցել սահմանների սահմանազատման գործընթացում, «Հայաստանում ռևանշիստական միտումների առկայությանը, այս պետության կողմից ռազմատենչ քաղաքականության իրականացումն ու Ադրբեջանի նկատմամբ տարածքային պահանջների պահպանունը Սահմանադրության մեջ մեզ մոտ լուրջ կասկածներ են առաջացնում»։
Թարգմանությունը՝ Էմմա Չոբանյանի
