20.02.2026 | 12:49
Չեչեն աղջկա սպանությունից 4 ամիս անց նրան դեռ չեն հուղարկավորել․ դին հողին կհանձնեն ՀՀ-ում
«Թուրքական ավիաուղիներ»-ը հունվարի 23-ից վերսկսում է թռիչքները դեպի Սիրիա․ Իրանի և Իսրայելի քաղաքացիների մուտքն արգելված է
Քաղաքականություն
16.01.2025 | 22:44
«Թուրքական ավիաուղիներ»-ը հայտարարել է, որ հունվարի 23-ից վերսկսելու է թռիչքները դեպի Դամասկոս: Այն կդառնա սիրիական հակամարտության մեկնարկից ի վեր առաջին չվերթը այդ երկիր, գրում է Turkiye today-ը։
Սակայն, Սիրիայի կառավարության կանոնակարգերի համաձայն, ավիաընկերությունը հայտարարել է, որ Իսրայելի և Իրանի քաղաքացիներին չի թույլատրվի մուտք գործել Սիրիա:
Հայտարարությունը հրապարակվել է ընկերության պաշտոնական կայքում՝ ուղեկցվելով Սիրիա թռչող ուղևորների համար մանրամասն ճանապարհորդական ուղեցույցներով։
Ըստ Սիրիայի հրահանգների՝ Իսրայելի և Իրանի քաղաքացիների մուտքն արաբական այս երկիր արգելված է, ուղևորները պետք է ներկայացնեն իրենց Սիրիայի քաղաքացիությունը հաստատող փաստաթղթեր, եթե դրանք կիրառելի են, Լիբանանի քաղաքացիները կարող են մուտք գործել, եթե ծնողներից մեկը Սիրիայի քաղաքացի է կամ եթե նրանք այլ երկրի բնակության իրավունք կամ վիզա ունեն։ Սիրիա մուտք գործելու համար լրագրողները հատուկ թույլտվություն պետք է ստանան։
Թռիչքները վերսկսելու որոշումը հաջորդում է Թուրքիայի և Սիրիայի միջև դիվանագիտական կարգավորման վերջին ջանքերին։
Թարգմանությունը՝ Էմմա Չոբանյանի
