28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայի խորհրդարանի նախագահը Բաքվում անդրադարձել է Ղարաբաղի հարցին
Քաղաքականություն
24.09.2018 | 12:02
Թուրքիայի ազգային մեծ ժողովի (ԹԱՄԺ-TBMM) նախագահ Բինալի Յըլդըրըմը Բաքվում մասնակցել է Ադրբեջանի խորհրդարանի 100 ամյակին նվիրված հատուկ նսիտին. փոխանցում է ermenihaber-ը:
Յըլդըրըմը ելույթ է ունեցել և շեշտել, որ թուրքերն ու ադրբեջանցիները նույն ժողովրդի զավակներն են: Ըստ նրա՝ ժամանակակից գերլարված, տագնապային աշխարհում Թուրքիայի և Ադրբեջայի կայուն և կառուցողական համագործակցությունը լավ օրինակ կարող է լինել:
Ղարաբաղյան հիմնահարցը թուրք պաշտոնյան անվանել է տարածաշրջանը փտախտի ենթարկող խնդիր:
«Քանի դեռ չի գտնվել հիմնահարցի մնայուն լուծում, անհնար է, որ Կովկասում վերանա կոնֆլիկտային ռիսկը: Թուրքիան ի սկզբանե աջակցում է Ադրբեջանի սպասումներին և պահանջներին: Հայաստան պետությունը, ներառյալ Ղարաբաղը, Ադրբեջանի նվաճված տարածքներից պետք է դուրս գա առանց որևէ պայմանի: Այս հողերն Ադրբեջանինն են: Այդպես է եղել երեկ, այդպես կլինի ընդմիշտ»,- ասել է Բինալի Յըլդըրըմը:
