20.02.2026 | 21:45
«Կամասուտրա»՝ պատմության դասագրքի փոխարեն. ինչպես է Arajin Chariq-ը թիրախավորում քաղաքական գործիչներին
Քաղաքական ռեպրեսիաներն աճում են, ինչը Վրաստանին ավելի է հեռացնում ԵՄ-ից. Գերմանիայի դեսպան
Քաղաքականություն
15.01.2025 | 16:30
Քաղաքական ռեպրեսիաներն ու բռնություններն աճում են, ինչն ավելի է հեռացնում Վրաստանը Եվրամիությունից, X-ի իր էջում գրել է Վրաստանում Գերմանիայի դեսպան Փիթեր Ֆիշերը, փոխանցում է Գրուզիա օնլայնը։
«Տխուր օր Վրաստանում։ Վերջին շաբաթներին բոլորը Սուրբ Ծննդյան տոներին խոսում էին սիրո և խաղաղության, Ամանորի երջանկության և Դրոշի օրը միասնության մասին: Չնայած դրան՝ քաղաքական ռեպրեսիաներն ու բռնություններա աճում են։ Սա գնալով ավելի է հեռացնում Վրաստանը Եվրամիությունից։ Այսպես չպետք է լինի»,- գրել է Փիթեր Ֆիշերը։
Հիշեցնենք, որ այս գիշեր Բաթումի «Շերատոն» հյուրանոցում հարձակման է ենթարկվել Վրաստանի ներքին գործերի նախկին նախարար, նախկին վարչապետ, այժմ ընդդիմադիր «Հանուն Վրաստանի» կուսակցության հիմնադիր Գեորգի Գախարիան։ Միջադեպից հետո Գախարիան տեղափոխվել է տեղի հիվանդանոց, որտեղ ստացել է բժշկական օգնություն և հետազոտություններ անցել։
Թարգմանությունը՝ Տաթև Ֆռանգյանի
