09.09.2026 | 15:42
ՀԷՑ-ի 100% բաժնետոմսերի նկատմամբ հանրության գերակա շահ ճանաչելու նախագիծը հրապարակվել է
Ռուսական նավթ տեղափոխող 65 լցանավեր խարսխվել են Չինաստանի, Սինգապուրի և ՌԴ-ի ափերին՝ ԱՄՆ պատժամիջոցների պատճառով
Քաղաքականություն
14.01.2025 | 20:43
Առնվազն 65 լցանավեր, որոնք տեղափոխում են ռուսական նավթ, մնացել են Չինաստանի, Սինգապուրի և Ռուսաստանի ափերի մոտ՝ ԱՄՆ պատժամիջոցների պատճառով։ Այս մասին հայտնում է Reuters գործակալությունը՝ վկայակոչելով MarineTraffic և LSEG նավի հետագծման ծառայությունների տվյալները։
Հինգ լցանավեր չինական նավահանգիստների մոտակայքում են լողում, ևս յոթը գտնվում են Սինգապուրի մոտ, իսկ մնացածը՝ Ռուսաստանի ափերի մոտ՝ Բալթիկ ծովում և Հեռավոր Արևելքում:
Հունվարի 10-ին ԱՄՆ Ֆինանսների նախարարությունը պատժամիջոցներ է սահմանել Ռուսաստանի դեմ։ Ցանկում ներգրավված է առնվազն 183 լցանավ՝ տարբեր երկրների դրոշներով, որոնք, ենթադրաբար, ռուսական նավթ և նավթամթերք էին տեղափոխում՝ խախտելով արևմտյան պատժամիջոցները։ Գործակալության վկայակոչած տվյալների համաձայն՝ սա նավթային լցանավերի համաշխարհային նավատորմի մոտ 10%-ն է։
2024 թվականին պատժամիջոցների ցանկում հայտնված 143 նավերը ծովային ճանապարհով իրականացնում էին Ռուսաստանի նավթի արտահանման 42%-ը։
Թարգմանությունը՝ Տաթև Ֆռանգյանի
