25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Global Firepower-ի ռազմական հզորության վարկանիշում ՀՀ-ն տարածաշրջանում նախավերջինն է
Քաղաքականություն
14.01.2025 | 11:08
Global Firepower վերլուծական ռեսուրսի 2025 թվականի ռազմական հզորության վարկանիշում Հայաստանը բարելավել է դիրքերը և զբաղեցնում է 91-րդ հորիզոնականը (PwrIndx 2․0373 )՝ տարածաշրջանային երկրներից առաջ անցնելով միայն Վրաստանին, որը մեկ տարում նահանջել է 10 հորիզոնական` 84-րդ տեղը զիջելով Չադին ու հայտնվելով 94-րդ հորիզոնականում։
Տարածաշրջանային երկրներից առաջատար է ՌԴ-ն՝ հայտնվելով 2-րդ հորիզոնականում (PwrIndx 0.0788)։ Թուրքիան 9-րդ հորիզոնականում է (PwrIndx 0.1902), Ադրբեջանը՝ 60-րդ (PwrIndx 1.2531), Վրաստանը՝ 94-րդ։
Միաժամանակ, Իրանը զբաղեցրել է 16-րդ հորիզոնականը, իսկ, օրինակ, Ուկրաինան՝ 20-րդ։
Հավելենք, որ PowerIndex ինդեքսը կազմվում է՝ հաշվի առնելով ավելի քան 60 գործոն։ Հետազոտողները վարկանիշային աղյուսակը կազմելիս հաշվի են առել երկրի ֆինանսները, ռեսուրսները, նյութատեխնիկական ապահովումը, ավիացիան, ռազմածովային կարողությունները, ռազմական անձնակազմը և այլ հարցեր: Որքան բարձր է դիրքը (և որքան ցածր է միավորը), այնքան ուժեղ է բանակը:
Նոր վարկանիշային աղյուսակը ներառում է 145 երկիր։
Առաջին հորիզոնականը զբաղեցնում է ԱՄՆ-ը (PwrIndx 0.0744)։ Երկրորդ հորիզոնականը կիսել են Ռուսաստանը և Չինաստանը (PwrIndx 0.0788):
Լավագույն հնգյակում հայտնվել են նաև Հնդկաստանն ու Հարավային Կորեան, իսկ լավագույն տասնյակում՝ Մեծ Բրիտանիան, Ֆրանսիան, Ճապոնիան, Թուրքիան և Իտալիան։
Թարգմանությունը՝ Տաթև Ֆռանգյանի
