18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Թեհրանի համար կարևոր են հարաբերությունները և՛ Հայաստանի, և՛ Ադրբեջանի հետ․ Իրանի ԱԳՆ խոսնակ
Քաղաքականություն
13.01.2025 | 14:29
Իրանի համար կարևոր է Հարավային Կովկասի անվտանգությունը։ Այս մասին հայտարարել է Իրանի ԱԳՆ մամուլի խոսնակ Էսմայիլ Բաղային՝ ճեպազրույցում անդրադառնալով երկրի Անվտանգության խորհրդի քարտուղար Ալի Ահմադիանի՝ Հայաստան ու Ադրբեջանի կատարած այցերին, գրում է Tasnim գործակալությունը։
«Պարոն Ահմադիանի այցը Բաքու և Երևան նախապես ծրագրվել ու իրականացվել է։ Մեր հարաբերությունները և՛ Ադրբեջանի, և՛ Հայաստանի հետ կարևոր են։ Հարավային Կովկասի անվտանգությունը մեզ համար կարևոր է, և մենք կօգտագործենք բոլոր կարողությունները՝ այս կարևոր տարածաշրջանում անվտանգությունն ուժեղացնելու համար»,- ասել է Բաղային։
Նա նշել է, որ անվտանգությունը պետք է ապահովեն «տարածաշրջանի երկրները՝ հեռու արտաքին միջամտությունից»։
Թարգմանությունը՝ Էմմա Չոբանյանի
