16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Տա Աստված էսպես ձանձրալի լինեն ընտրությունները»․ Աշոտ Մելիքյան. ՏԵՍԱՆՅՈՒԹ
Քաղաքականություն
23.09.2018 | 20:15
Factor.am-ը զրուցել է Խոսքի ազատության պաշտպանության կոմիտեի նախագահ Աշոտ Մելիքյանի հետ.
-Ինչպե՞ս են լրատվամիջոցները լուսաբանում այս ընտրությունները և ԶԼՄ-ների հետ կապված ի՞նչ արտառոց միջադեպեր կան։
-Դե արդեն մեզ մոտ ավանդույթ է ձևավորվել՝ ցանկացած ընտրությունների ժամանակ մենք այդ օրը հերթապահություն ենք սահմանում առավոտից մինչև ուշ երեկո և հետևում ենք, թե ինչ պայմաններում են աշխատում լրագրողներն ու լրատվամիջոցները։ Եվ, հուրախություն բոլորիս, պիտի ասեմ, որ մինչև այս պահը մենք որևէ խախտում լրագրողի կամ լրատվամիջոցի իրավունքի չենք արձանագրել։ Դա ուրախալի է, որովհետև վերջին տասնամյակի ընթացքում էդպիսի ընտրություն չի եղել, որ ամեն ինչ այսքան հարթ ընթանա։ Ես չեմ ուզում ժամանակից առաջ ընկնել։ Բայց սովորաբար ցանկացած ընտրության օրը մենք արդեն ունենում էինք ահազանգեր, թեժ գծով զանգեր էին լինում, որ լրագրողների նկատմամբ ֆիզիկական բռնություն է գործադրվել։ Այս ընտրություններում մենք շարունակում ենք հետևել իրավիճակին։
-Պարոն Մելիքյան, կարծես թե ամեն ինչ հարթ է, լրագրողները սոցցանցերում գրում են, որ ձանձրանում են տեղամասերում, որ հետաքրքիր չեն այս ընտրությունները։
-Գիտե՞ք, ընտրությունները պետք է հետաքրքիր չլինեն տարբեր կոնֆլիկտների, միջադեպերի առումով։
-Մեր մեջ ասած, կատակ են անում։
-Հասկանալի է։ Բայց մեծ հաշվով հենց այս ընտրությունների հետաքրքրությունն այն է, որ դրանք հանդարտ են ընթանում։ Չնայած նախընտրական շրջանում մի քանի միջադեպեր ենք արձանագրել։ Տա Աստված էսպես ձանձրալի լինեն ընտրությունները։
Մանրամասները՝ տեսանյութում:
Մհեր Արշակյան
