20.02.2026 | 11:28
Պատվիրե՛ք IDBank-ի Arca Classic քարտ և օգտվե՛ք մինչև 2% հետվճարի հնարավորությունից
Կրակը Գլենդելից հեռու է. քաղաքապետը մանրամասներ է ներկայացրել
Քաղաքականություն
11.01.2025 | 20:13
Կրակը, որը երևում է Գլենդելից, շատ հեռու է, քաղաքում ապահովության առումով խնդիր չկա: «Արմենպրես»-ի փոխանցմամբ՝ այս մասին «Ինստագրամ»-իր իր էջում հայտնել է Գլենդելի քաղաքապետ Էլեն Ասատրյանը:«Այն կրակը, որը երևում է Գլենդելից, շատ հեռու է:
Դա Խաղաղօվկիանոսյան Պալիսադեսի կրակն է: Եթե բնակվում եք Գլենդել քաղաքում, ապա որևէ պատճառ չկա մտահոգվելու ձեր ապահովության համար»,- ասել է Ասատրյանը:
Նա հավելել է, որ քաղաքապետարանի արտակարգ իրավիճակների կենտրոնը 2-րդ մակարդակից դարձրել են 3-րդ մակարդակ, որովհետև շատ ավելի լավ վիճակում են: Փոփոխության դեպքում քաղաքապետարանը տեղյակ կպահի: Կալիֆոռնիայում բռնկված հրդեհները նահանգի պատմության մեջ համարվում են ամենաավերիչներից: Տարբեր գնահատականներով վնասի չափը հասել է 135-150 միլիարդ դոլարի: Հրդեհի հետևանքով այս պահին կա 11 զոհ, այրվել են բազմաթիվ տներ:
