09.09.2026 | 13:15
Սերբիայում արտահերթ խորհրդարանական ընտրություններ կանցկացվեն
ՀՀ ֆինանսների նախարարությունը վերագործարկել է Գանձապետական պահառուի առցանց համակարգը և ընդլայնել հարթակի գործառույթների և հնարավորությունների շրջանակը
09.01.2025 | 18:42
Մինչ արդիականացումն այս համակարգը սահմանափակում էր Հայաստանի Հանրապետության ոչ ռեզիդենտ քաղաքացիների կողմից պետական գանձապետական պարտատոմսեր ձեռք բերելու հնարավորությունը: Բացի օգտագործողի համար նոր, ավելի նախընտրելի ինտերֆեյս և ֆունկցիոնալություն ունենալուց նոր կայքը հնարավորություն է տալիս նույնականացնել նաև ոչ ռեզիդենտ ֆիզիկական անձանց, ընդ որում՝ նախկինում գործող նույնականացման տեսակները ևս գործում են․ տեղեկացնում են ՀՀ ֆինանսների նախարարությունից։
Ներկայում առցանց եղանակով գանձապետական պարտատոմսեր ձեռք բերելու համար ներդրողը նախ պետք է գրանցվի համակարգում՝ օգտագործելով ՀՀ նույնականացման քարտը կամ անցնելով առցանց գրանցման գործընթաց, և լրացնի իր անձնական ու բանկային տվյալները:
Անհրաժեշտ տվյալները տրամադրելուց և հաշվի «ակտիվ» կարգավիճակ ստանալուց հետո ներդրողը կկարողանա շարունակել գանձապետական պարտատոմսերի ձեռքբերման գործընթացը։
Նոր հարթակը նպաստում է ֆինանսական ծառայությունների հասանելիության ընդլայնմանը՝ ներդրողներին առաջարկելով ժամանակակից և հուսալի լուծումներ։
