22.06.2026 | 07:05
ԱԱ-2026. Եգիպտոսը կամային հաղթանակ տարավ. ՏԵՍԱՆՅՈՒԹ
Սիրիայի նոր ղեկավարն առաջին արտասահմանյան այցը կկատարի Թուրքիա
Քաղաքականություն
08.01.2025 | 22:34
Սիրիայի նոր ղեկավար Ահմեդ ալ-Շարաան պատրաստվում է առաջին արտասահմանյան ուղևորությանը։ Նրա առաջին այցը նախատեսվում է Թուրքիա, գրում է թուրքական իշխանամերձ Yeni Şafak-ը։
Նշվում է, որ այցը պետք է տեղի ունենար առաջիկա օրերին, սակայն ծրագրային փոփոխությունների պատճառով հետաձգվել է։ Սպասվում է, որ այցի ընթացքում ալ-Շարաան կհանդիպի Թուրքիայի նախագահ Ռեջեփ Թայիփ Էրդողանի հետ։
Այցի կարևորագույն օրակարգը, որն ունի և՛ բյուրոկրատական, և՛ խորհրդանշական նշանակություն, PKK/YPG կազմակերպության ներկայությունն է Սիրիայում։ Լրատվամիջոցը գրում է, որ և՛ Թուրքիայի, և՛ Սիրիայի իշխանությունները հաստատակամ են տարածաշրջանն «ահաբեկչությունից» մաքրելու հարցում։ Ակնկալվում է, որ Շարաայի այցի ընթացքում այս հարցում հաստատակամությունը կվերահաստատվի և կգնահատվեն տարածաշրջանի վերջին զարգացումները։
Yeni Şafak-ը նաև հիշեցնում է, որ նախկին նախագահ Բաշար Ասադի տապալումից հետո առաջինը Սիրիա են այցելել Թուրքիայի հետախուզական ծառայության ղեկավար Իբրահիմ Քալընն ու ԱԳ նախարար Հաքան Ֆիդանը։
Թարգմանությունը՝ Էմմա Չոբանյանի
