09.01.2025 | 20:53
Ութ փաթեթ ափիոն․ Վաղարաշապատի համայնքնային ոստիկանների բացահայտումը
Դիմել ենք Սնուփ Դոգի համերգը կազմակերպող ընկերությանը, որ գումարը վերադարձվի պետբյուջե. նախարար․ ՏԵՍԱՆՅՈՒԹ
Մշակույթ
08.01.2025 | 13:09
ՀՀ կրթության, գիտության, մշակույթի և սպորտի նախարարությունը դիմել է հանրահայտ ռեփեր Սնուփ Դոգի երևանյան համերգի կազմակերպիչ ընկերությանը հատկացված ամբողջ գումարը պետական բյուջե վերադարձնելու նպատակով, այս մասին տարեկան ամփոփիչ ասուլիսի ժամանակ Factor TV-ի հարցին ի պատասխան հայտնեց նախարար Ժաննա Անդրեասյանը:
«Նրանք ամբողջ տարի բանակցել են, որպեսզի համերգը տեղի ունենա, և տարբեր ժամանակաշրջաններում ունեցել ենք որոշակի պայմանավորվածություններ, որոնք ինչ-ինչ պատճառներով տեղի չեն ունեցել: Եվ սա նշանակում է, որ պետք է գործեն պայմանագրի դրույթները: Այսինքն՝ քանի որ նախատեսված ժամանակահատվածում համերգը չի կայացել, ապա մենք արդեն գրությամբ դիմել ենք կազմակերպությանը, որպեսզի ամբողջ գումարը վերադարձվի պետական բյուջե»,- պարզաբանեց նախարարը:
Մանրամասները՝ տեսանյութում։
