10.08.2026 | 15:55
Ընդամենը 6 հանձնաժողով կարող էր ստեղծվել, ոչ թե 12․ Էդգար Ղազարյան. ՏԵՍԱՆՅՈՒԹ
Մայք Ջոնսոնը վերընտրվել է ԱՄՆ Ներկայացուցիչների տան խոսնակ
Քաղաքականություն
04.01.2025 | 13:33
ԱՄՆ 119-րդ Կոնգրեսի աշխատանքների առաջին օրը ստորին պալատի օրենսդիրները քվեարկությամբ ընտրեցին Մայք Ջոնսոնին ԱՄՆ Ներկայացուցիչների տան խոսնակ․ գրում է VOA-ն։
Փաստորեն, հանրապետական գործիչը պահպանեց այդ պաշտոնը, որը նա զբաղեցնում է 2023 թվականի հոկտեմբերից։
Թեև օրվա սկզբին կասկածներ էին հնչում, թե արդյոք Ներկայացուցիչների տանը մեծամասնություն կազմող հանրապետականները կողմ կքվեարկեն Ջոնսոնի թեկնածությանը, իսկ նախորդ օրերին որոշ հանրապետական օրենսդիրներ բարձրաձայնել էին իրենց բացասական մոտեցումը նրա վերընտրության առնչությամբ, սակայն, ի վերջո, Լուիզիանա նահանգը ներկայացնող 52-ամյա Մայք Ջոնսոնի օգտին քվեարկեցին Ներկայացուցիչների տան 220 հանրապետաններից 218-ը։
Այսինքն, նա կարողացավ ստանալ Կոնգրեսի ստորին պալատի մեծամասնության ձայները և վերընտրվեց խոսնակի պաշտոնում։
ԱՄՆ Ներկայացուցիչների տունն ունի 435 պատգամավոր։ Այս Ներկայացուցիչների տանը դեմոկրատներն ունեն 215 ձայն։
Ջոնսոնին, սակայն, դյուրին օրեր չեն սպասվում, քանի որ Կոնգրեսի ներկայիս ստորին պալատում հանրապետականների մեծամասնությունն ամենից փոքրն է նախորդ հարյուր տարվա հետ համեմատ։ Օրինակ, բավական է, որ հանրապետական ընդամենը երեք պատգամավոր անցնի դեմոկրատների կողմը կամ դեմ քվեարկի կուսակիցների առաջարկներին, և Թրամփին սատարող Հանրապետական կուսակցությունը կկորցնի մեծամասնոսւթյունը Ներկայացուցիչների տանը։
