14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Արդյունք կունենանք ինչ-որ մի օր. նախարարը՝ «Վերին Լարսին» այլընտրանք ցամաքային ճանապարհ ունենալու մասին
13.07.2017 | 13:44
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն այսօր Կառավարության նիստից հետո լրագրողների հետ զրույցում ասաց, որ հայկական կողմը չի կարող ներգրավված լինել Ռուսաստանի և Վրաստանի միջև ձեռք բերված պայմանավորվածությանը:
Հիշեցնենք՝ Մոսկվայի և Թբիլիսիի ներկայացուցիչները պայմանավորվել են անցնել 2011 թվականին Ռուսաստանի և Վրաստանի միջև ստորագրված՝ Աբխազիայի և Հարավային Օսիայի տարածքներով «Առևտրային միջանցքների մասին» պայմանագրի կյանքի կոչմանը:
«Հայկական կողմը չի կարող ներգրավված լինել, բոլորն էլ հայտարարություններում ասում են՝ դա ռուս-վրացական հարաբերություններն են և իրենց քննարկումները, որին մասնակցում է շվեցարական կողմը: Դա եռակողմ քննարկումներ են»,- նշեց նախարարը:
Տարակուսանքին, թե հայկական կողմը կողքի՞ց է հետևելու իր համար ռազմավարական կարևորություն ունեցող այս գործընթացին, նախարարը հարցով պատասխանեց՝ «Ի՞նչ եք կարծում»:
Վահան Մարտիրոսյանն անդրադարձավ նաև «Վերին Լարսին» այլընտրանք ցամաքային ճանապարհին՝ հույս հայտնելով, որ մի օր արդյունք կլինի: «Ես չեմ ասում, որ էս անգամ անպայման վերջնական արդյունք կունենանք, բայց արդյունք կունենանք ինչ-որ մի օր»,- հայտարարեց նախարարը:
Մանրամասները՝ տեսանյութում
Շողիկ Գալստյան
