30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Պարզվել է Լաս-Վեգասում պայթած Cybertruck-ի վարորդի ինքնությունը
Քաղաքականություն
02.01.2025 | 17:44
ԱՄՆ Հետաքննությունների դաշնային բյուրոն և ոստիկանությունը պարզել են Tesla Cybertruck-ի վարորդի ինքնությունը: Մեքենան պայթել էր Լաս Վեգասում (Նևադա) Trump International հյուրանոցի մոտ։ Այս մասին հայտնում է KOAA5 հեռուստաընկերությունը՝ վկայակոչելով իրավապահ մարմիններում իր աղբյուրները։
Նրանց տվյալներով՝ ավտոմեքենայի մահացած վարորդը, որը կասկածվում է այն պայթեցնելու մեջ, 37-ամյա Մեթյու Լիվելսբերգերն էր, ով ապրում էր Կոլորադո Սփրինգս քաղաքում (Կոլորադո)։ Քաղաքի ոստիկանության վարչությունը հաստատել է, որ ՀԴԲ-ի ներկայացուցիչները ներկայումս աշխատում են տներից մեկում, որտեղ ապրել է մահացածը։
Ըստ KTNV-ի՝ կասկածյալը ծառայել է ԱՄՆ-ի բանակում։ Դեպքից կարճ ժամանակ առաջ նա Կոլորադոյում վարձակալել է Cybertruck ավտոմեքենա՝ «Turo» ծառայության միջոցով:
Հունվարի 1-ին Լաս Վեգասի Trump International հյուրանոցի մոտ հրդեհ է բռնկվել Cybertruck մեքենայում: Հյուրանոցի հյուրերը պայթյուն են լսել և մուտքի մոտ ծխի ամպեր են տեսել։ Լաս Վեգասի ոստիկանությունը հայտնել է, որ հետաքննում է միջադեպի պատճառները, որի հետևանքով յոթ մարդ վիրավորվել է: Մեքենայի վարորդը մահացել է։
Թարգմանությունը՝ Տաթև Ֆռանգյանի
