30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Վրաստանում ցուցարարները սեղան են գցել ու Նոր տարին դիմավորել խորհրդարանի շենքի մոտ
Քաղաքականություն
01.01.2025 | 16:47
Հազարավոր վրացիներ ԵՄ դրոշներով և հակակառավարական կարգախոսներ վարկարկելով Նոր տարվա գիշերը դուրս են եկել Թբիլիսիի կենտրոնական Ռուսթավելի պողոտա։ Շատերը մնացել են Ամանորը դիմավորելու խորհրդարանի շենքի մոտ՝ ի նշան Վրաստանի կառավարության՝ եվրաինտեգրումից հրաժարվելու դեմ բողոքի, գրում է Euronews-ը։
Ցուցարարները տոնական սեղան են գցել, երգել, հրավառություն արել, պարել։ Նրանց է միացել Վրաստանի նախկին նախագահ Սալոմե Զուրաբիշվիլին։
Ակցիայի մասնակիցներն ու կազմակերպիչները խոստացել են շարունակել սկսած բողոքը՝ մինչև երկրում արտահերթ խորհրդարանական ընտրությունների անցկացում։
Գլդանիի տխրահռչակ բանտի մոտ էլ առանձին ցույց է կազմակերպվել։ Ցուցարարները պահանջել են պատժել ոստիկանական բռնության կիրառման պատասխանատուներին, իսկ բոլոր բերման ենթարկված ցուցարարներին ու ընդդիմադիր գործիչներին ազատ արձակել։
Թարգմանությունը՝ Էմմա Չոբանյանի
