22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
Մեր ավիահաղորդակցությունը ՌԴ 10 քաղաքների հետ այժմ դադարեցված է․ Ալիև
Քաղաքականություն
29.12.2024 | 22:02
Azerbaijan Airlines (AZAL) ավիաընկերությունը ժամանակավորապես դադարեցրել է թռիչքները Ռուսաստանի մի շարք քաղաքներ։ Այս որոշումը կայացվել է Embraer 190 ինքնաթիռի կործանումից հետո, որը Բաքվից Գռոզնի էր ուղևորվում։ Այս մասին դեկտեմբերի 29-ին հայտնել է Ադրբեջանի նախագահ Իլհամ Ալիևը՝ հարցազրույց տալով տեղական AZTV հեռուստաալիքին․ փոխանցում է DW-ն։
«AZAL-ը դադարեցրել է թռիչքները Ռուսաստանի յոթ քաղաքների հետ անորոշ ժամանակով։ Միևնույն ժամանակ, մենք դադարեցրել ենք ռուսական ավիաընկերությունների թռիչքները երեք ռուսական քաղաքներից Ադրբեջան։ Արդյունքում, մեր ավիահաղորդակցությունը 10 քաղաքների հետ ներկայումս դադարեցված է։ Այստեղ առաջնայինը օդային տարածքի անվտանգության հարցն է»,- նշել է Ալիևը։
Ալիևը նաև հայտարարել է, որ չգիտի, թե երբ կվերսկսվեն թռիչքները դեպի այդ քաղաքներ, սակայն Բաքուն հաշվի կառնի «ռուսական օդային տարածքի անվտանգության հարցերը»։
