14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Որտե՞ղ երեխայի տակդիրը փոխես․ խնդիրներ, որոնց բախվում են մայրերը Երևանում․ ՏԵՍԱՆՅՈՒԹ
Հասարակություն
26.12.2024 | 19:01
Մարիա Դանիելյանը Երևանի բնակիչ է։ Նրա առաջնեկը՝ Իրիլանան, 2 տարեկան է։
Երեխայի ծնունդից հետո Մարիան հասկացել է, թե Երևանում ինչքան դժվարություններ կան մանկահասակ երեխայի հետ միայնակ տանից դուրս եկող մայրերի համար։ Հանրային զուգարանների բացակայություն, թերի կառուցված թեքահարթակներ, տրանսպորտին առնչվող խնդիրներ և այլն։
«Մի քանի անգամ դեպք է եղել, որ դրսում երեխայի տակդիրը փոխելու կարիք եմ ունեցել, պարզապես չեմ հասկացել՝ ֆիզիկապես որտեղ կարող եմ դա անել։ Պետք է գնաս, խնդրես, որ ինչ-որ տեղ թույլ տան երեխայի հագուստը կամ տակդիրը փոխել։ Շատերն ասում են՝ սրճարաններում կարող ես անել, բայց լինում է՝ դրա կարիքը կա, հենց նոր ես դուրս եկել սրճարանից կամ մոտդ գումար չունես, ուղղակի պիտի մտնես, խնդրես, որ քեզ թողնեն զուգարանից օգտվել։ Լինում են դեպքեր, որ ասում են՝ իհարկե, բայց, ամեն դեպքում, դրանք մասնավոր դեպքեր են, իսկ պետական մակարդակով այս հարցում հարմարություններ ստեղծված չեն»,- Factor TV-ի հետ զրույցում նշում է Մարիան։
Երիտասարդ մայրիկը երկրորդ երեխային է սպասում․ գիտի՝ դժվար է լինելու։
Մարիան թեև ազգությամբ հայ է, ՀՀ քաղաքացի և տիրապետում է հայերենին, այնուամենայնիվ, ունենալով ռուսական կրթություն՝ նախընտրեց խոսել ռուսերեն՝ լեզվական սխալներից խուսափելու համար։
Մանրամասները՝ տեսանյութում։
Անժելա Պողոսյան
