26.12.2024 | 17:17
Թուրքիայի իշխանությունները քրդամետ կուսակցությանը թույլ կտան տեսակցել PKK-ի բանտարկված առաջնորդին
Նոյեմբերին վարձու աշխատողի չձևակերպման դեպքեր են արձանագրվել 54 հարկ վճարողների մոտ․ տուգանքի չափը կազմել է 66․750 մլն դրամ
25.12.2024 | 16:25
Պետական եկամուտների կոմիտեն տեղեկացնում է, որ 2024 թվականի նոյեմբեր ամսվա ընթացքում ավարտված հսկողական աշխատանքների արդյունքներով վարձու աշխատողի չձևակերպման դեպքեր արձանագրվել են ընդհանուր առմամբ 54 հարկ վճարողի մոտ, իսկ տուգանքի չափը կազմել է 66.750 մլն դրամ:
Երեք և ավելի վարձու աշխատողների չձևակերպման 26 դեպքով 26 հարկ վճարող տուգանվել է 58 մլն դրամով:
Մասնավորապես, դեպքերն արձանագրվել են հետևյալ ոլորտներում․
– ավտոտեխսպասարկման և (կամ) ավտոլվացման ոլորտում 1 հարկ վճարողի մոտ 1 դեպքով բացահայտվել է 14 չձևակերպված վարձու աշխատող, առաջադրվել է 3.5 մլն դրամ տուգանք,
– թռչնաբուծություն և (կամ) ձվի արտադրության ոլորտում 1 հարկ վճարողի մոտ 1 դեպքով բացահայտվել է 11 չձևակերպված վարձու աշխատող, առաջադրվել է 2․750 մլն դրամ տուգանք,
– կացության կազմակերպման, հագուստի, կոշիկի և գործվածքների առևտրի ու կրթության ոլորտներում 1 հարկ վճարողի մոտ 1 դեպքով բացահայտվել է 9 չձևակերպված վարձու աշխատող, առաջադրվել է 2․250 մլն դրամ տուգանք,
– կրթության ոլորտում 1 հարկ վճարողի մոտ 1 դեպքով բացահայտվել է 6 չձևակերպված վարձու աշխատող, առաջադրվել է 1․5 մլն դրամ տուգանք,
– հանրային սննդի ոլորտում (հանդիսությունների սրահ չունեցող) 5 հարկ վճարողի մոտ 5 դեպքով բացահայտվել է 42 չձևակերպված վարձու աշխատող, առաջադրվել է 10.5 մլն դրամ տուգանք,
– մթերային խանութում 3 հարկ վճարողի մոտ 3 դեպքով բացահայտվել է 15 չձևակերպված վարձու աշխատող, առաջադրվել է 3․750 մլն դրամ տուգանք,
– շենքերի կառուցապատման ոլորտում 1 հարկ վճարողի մոտ 1 դեպքով բացահայտվել է 8 չձևակերպված վարձու աշխատող, առաջադրվել է 2 մլն դրամ տուգանք,
– շինանյութի առևտրի ոլորտում 2 հարկ վճարողի մոտ 2 դեպքով բացահայտվել է 14 չձևակերպված վարձու աշխատող, առաջադրվել է 3․5 մլն դրամ տուգանք,
– շինանյութի արտադրության ոլորտում 2 հարկ վճարողի մոտ 2 դեպքով բացահայտվել է 26 չձևակերպված վարձու աշխատող, առաջադրվել է 6.5 մլն դրամ տուգանք,
– պահածոների արտադրության ոլորտում 2 հարկ վճարողի մոտ 2 դեպքով բացահայտվել է 25 չձևակերպված վարձու աշխատող, առաջադրվել է 6.250 մլն դրամ տուգանք,
– սուրճի և թեյի արտադրության, հանրային սննդի (չունի հանդիսությունների սրահ) և այլ ոլորտներում 1 հարկ վճարողի մոտ 1 դեպքով բացահայտվել է 23 չձևակերպված վարձու աշխատող, առաջադրվել է 5․750 մլն դրամ տուգանք,
– տնտեսական ապրանքների խանութում ոլորտում 1 հարկ վճարողի մոտ 1 դեպքով բացահայտվել է 3 չձևակերպված վարձու աշխատող, առաջադրվել է 750 հազար դրամ տուգանք,
– այլ ոլորտներում 5 հարկ վճարողի մոտ 5 դեպքով բացահայտվել է 36 չձևակերպված վարձու աշխատող, առաջադրվել է 9 մլն դրամ տուգանք։
Միաժամանակ, կոմիտեն տեղեկացնում է, որ չձևակերպված վարձու աշխատողների մասով խախտում թույլ տված հարկ վճարողների ցանկերում հաշվի չեն առնվել ստուգման ակտերի վարչական կամ դատական կարգով հնարավոր վիճարկման արդյունքները:
Երեք և ավելի չձևակերպված վարձու աշխատողների մասով խախտում թույլ տված 26 հարկ վճարողների անվանական ցանկը` ըստ գործունեության ոլորտների, կցվում է (ՉԱ ցանկ 1)։
Չձևակերպված վարձու աշխատողների մասով խախտում թույլ տված 54 հարկ վճարողների ցանկը կցվում է (ՉԱ ցանկ 2)։
