19.07.2026 | 21:39
Հայտնի են Իսպանիայի ու Արգենտինայի մեկնարկային կազմերն ԱԱ-2026-ի եզրափակիչում
Վրաստանի նախագահը 7 օր է տվել կառավարությանը նոր ընտրություններ նշանակելու համար
Քաղաքականություն
23.12.2024 | 13:33
Հերթական հանրահավաքում Վրաստանի նախագահ Սալոմե Զուրաբիշվիլին իշխող «Վրացական երազանք» կուսակցությունից պահանջել է մեկ շաբաթվա ընթացքում նշանակել նոր խորհրդարանական ընտրությունների օրը։ Այս մասին հայտնում է Sputnik -ի վրացական ծառայությունը։
Զուրաբիշվիլին խոստացել է այսօր քաղաքացիներին ուղղված տեսաուղերձ հրապարակել երկրում տիրող իրավիճակի մասին, քանի որ տեխնիկական խնդիրների պատճառով նախորդ օրը չի կարողացել ելույթ ունենալ բեմում։
«Ինձ խոստացել են, որ շուտով կհայտնվեմ ճաղերի հետևում, բայց մենք չենք վախենում»,- ասել է նա նախքան խոսափողն անջատելը:
Ավելի վաղ Վրաստանի վարչապետ Իրակլի Կոբախիձեն Զուրաբիշվիլիին սպառնացել էր քրեական պատասխանատվության ենթարկել, եթե վերջինս հրաժարվի հեռանալ պաշտոնից դեկտեմբերի 29-ին՝ պաշտոնավարման ժամկետի ավարտից հետո։
Թարգմանությունը՝ Տաթև Ֆռանգյանի
