23.12.2024 | 20:00
Լևոն Տեր-Պետրոսյանը ճիշտ էր, երբ 97-ին ասում էր՝ ժամանակն ի վնաս մեզ է աշխատելու․ Արման Եղոյան. ՏԵՍԱՆՅՈՒԹ
Վերջապես. Ազարյանի դպրոցի կառուցումը փոխկապակցված է Երևանում աշխարհի չեմպիոնատի անցկացման հետ. Ավինյան․ ՏԵՍԱՆՅՈՒԹ
23.12.2024 | 11:33
«Ալբերտ Ազարյանի անվան մանկապատանեկան մարզադպրոցի նոր շենքի կառուցման ծրագրի լրամշակված փաթեթը պաշտոնապես տրամադրվել է ԾԻԳ-ին և այսօր կամ ամենաուշը վաղն առավոտյան արդեն պարզ փորձաքննության արդյունքների հիման վրա կներկայացնենք համալիր փորձաքննության փաթեթը»,- Երևանի քաղաքապետարանի գործակարգավարական նիստի ժամանակ զեկուցեց քաղաքապետի խորհրդական Անետա Բաբայանը։
Ի պատասխան քաղաքապետ Տիգրան Ավինյանն ասաց. «Վերջապես… Խնդրում եմ հետևենք, որ համալիր փորձաքննության ընթացքը նույնպես սեղմ ժամանակում տեղի ունենա: Հասկանում եմ, որ որևէ մեկը չի ուզում որևէ սանտիմետր և միլիմետր խախտում անի և դա ողջունում եմ, բայց նաև կրկին՝ շատ կարևոր է ժամանակը, որովհետև Ալբերտ Ազարյանի դպրոցի կառուցումը ուղղակիորեն փոխկապակցված է աշխարհի չեմպիոնատի անցկացման հետ Երևան քաղաքում»,- ասաց քաղաքապետը։
