07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Ռուսաստանը բանակցություններ կսկսի Զելենսկու հետ, եթե նա դառնա լեգիտիմ նախագահ․ Պուտին
Քաղաքականություն
22.12.2024 | 20:24
Ռուսաստանի նախագահ Վլադիմիր Պուտինը նշել է, որ Մոսկվան պատրաստ է բանակցություններ վարել Ուկրաինայի ներկայիս նախագահ Վլադիմիր Զելենսկու հետ, եթե նա մասնակցի ընտրությունների և դառնա լեգիտիմ առաջնորդ: Այս մասին Պուտինը հայտարարել էմամուլի ասուլիսի ընթացքում․ փոխանցում է ՌԻԱ Նովոստին։
«Եթե որևէ մեկը մասնակցի ընտրություններին և ստանա լեգիտիմություն, մենք պատրաստ ենք բանակցել նրա հետ, այդ թվում՝ Զելենսկու հետ: Եթե Ուկրաինան իսկապես ցանկանում է խաղաղ կարգավորման ուղի ընտրել, ապա նրանք կարող են կազմակերպել այդ գործընթացը իրենց ներսում այնպես, ինչպես ցանկանում են: Սակայն մենք կարող ենք պայմանագիր ստորագրել միայն լեգիտիմ ներկայացուցիչների հետ»,- ասել է Պուտինը:
Նա ընդգծել է, որ Ռուսաստանը պատրաստ է սկսել խաղաղ բանակցություններ առանց նախապայմանների, սակայն դրանց հիմքում պետք է լինեն Ստամբուլյան համաձայնագրերը և տեղում առկա իրողությունները:
Հիշեցնենք, որ 2022 թվականին Ռուսաստանի հատուկ ռազմական գործողությունների մեկնարկից հետո Մոսկվան բանակցություններ էր վարում Ուկրաինայի հետ Բելառուսում և Թուրքիայում: Պուտինի խոսքով՝ բանակցությունները գրեթե ավարտին էին հասցվել, սակայն ռուսական զորքերի Կիևից հեռանալուց հետո ուկրաինական կողմը ետ կանգնեց բոլոր պայմանավորվածություններից:
