20.02.2026 | 14:14
Պուտինը ՌԴ ԱԳ փոխնախարարին Թուրքիայում դեսպան է նշանակել
ԱՄՆ-ն Թուրքիային թույլատրել է ՌԴ-ից ստացված գազի համար վճարել «Գազպրոմբանկի» միջոցով
Քաղաքականություն
20.12.2024 | 23:02
Թուրքիան հայտարարել է, որ ԱՄՆ-ն իրեն ազատել է ռուսական «Գազպրոմբանկ» ԲԲԸ-ի նկատմամբ պատժամիջոցներից՝ թույլ տալով Անկարային վճարել գազի ներկրման համար։ Էներգետիկայի նախարար Ալփարսլան Բայրաքթարը Bloomberg-ին ասել է, որ ԱՄՆ-ի պաշտոնյաների հետ մի շարք բանակցություններից հետո երկրին կթույլատրվի շարունակել գազի վճարումները իրականացնել «Գազպրոմբանկի» միջոցով։
Անցյալ ամիս Վաշինգտոնը պատժամիջոցներ էր սահմանել «Գազպրոմբանկ»-ի նկատմամբ, որը անհանգստություն էր առաջացրել շատ երկրներում, այդ թվում՝ Եվրամիությունում։ Պատժամիջոցները խոչընդոտ են նրանց համար, որոնք օգտագործում են ռուսական բանկը վճարումներ կատարելու համար։ Չորեքշաբթի օրը Հունգարիան հայտարարել էր, որ նույնպես բացառություն է ստացել պատժամիջոցներից։
Պաշտոնական տվյալներով՝ Թուրքիայի բնական գազի ներմուծման ծավալի ավելի քան մեկ երրորդը գալիս է Ռուսաստանից։
Bloomberg-ը հայտնել էր, որ Անկարայի պաշտոնյաները նոյեմբերին հանդիպել են ռուսական պատվիրակության հետ՝ քննարկելու վճարման այլընտրանքային եղանակները: Բայրաքթարը , սակայն, չի մեկնաբանել այդ քննարկումները։
Ավելի վաղ նա հայտարարել էր, որ Անկարան ԱՄՆ-ից արտոնություն է ցանկանում, քանի որ պատժամիջոցների պատճառով Թուրքիան չի կարողանա ՌԴ-ին վճարել բնական գազի համար։
Թարգմանությունը՝ Էմմա Չոբանյանի
