09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Դամասկոսում 2012թ․ ի վեր առաջին անգամ Ֆրանսիայի դեսպանատան շենքի վրա բարձրացվել է ֆրանսիական դրոշը
Քաղաքականություն
17.12.2024 | 19:41
Սիրիայի հարցով Ֆրանսիայի հատուկ բանագնաց Ժան-Ֆրանսուա Գիյոմը, որն այցելել է Դամասկոս, ասել է, որ իր երկիրը պատրաստվում է կանգնել սիրիացիների կողքին այս ամիս ապստամբների կողմից Բաշար Ասադի պաշտոնանկությունից հետո, գրում է Le Monde-ը։
«Ֆրանսիան պատրաստվում է երկարաժամկետ լինել սիրիացիների հետ, ներառյալ՝ ընթացիկ անցումային շրջանը, որը, հուսով ենք, խաղաղ կլինի»,- լրագրողներին ասել է Գիյոմը։
Նրա խոսքով՝ ֆրանսիական դիվանագիտական պատվիրակության ուղեկցությամբ Սիրիա կատարած իր այցը հետապնդում էր նաև «Դամասկոսի փաստացի իշխանությունների հետ կապ հաստատելու նպատակ»։
Դամասկոսում Ֆրանսիայի դեսպանատունը, որը փակվել է 2012 թվականի մարտից, դեռևս պետք է վերաբացվի, սակայն Agence France-Presse լրագրողը հայտնել է, որ ֆրանսիացի անվտանգության աշխատակիցները երեքշաբթի խոհանոցից ներս են մտել շենք և կոտրել գլխավոր դռան կողպեքը:
2012 թվականից ի վեր առաջին անգամ դեսպանատան նախասրահում բարձրացվել է Ֆրանսիայի դրոշը։ Այն ժամանակ Ֆրանսիայի նախագահ Նիկոլա Սարկոզին հայտարարել էր դեսպանատան փակման մասին՝ ի նշան բողոքի հակակառավարական ցուցարարների դեմ Ասադի արյունալի ճնշումների։ Առաքելությունը հապճեպ փակվել էր, արխիվները այրվել կամ հեռացվել էին, համակարգիչները՝ ոչնչացվել։
Լրագրողների հարցին՝ ե՞րբ կվերաբացվի դեսպանատունը, Գիյոմը պատասխանել է, որ չի կարող հստակ ամսաթիվ նշել՝ «մինչև անվտանգության չափանիշները հաստատվեն»:
Թարգմանությունը՝ Էմմա Չոբանյանի
