09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Կրասնոդարում դպրոցականների վրա դանակով հարձակված ՀՀ քաղաքացի դեռահասի ծնողները կվտարվեն ՌԴ-ից
Քաղաքականություն
13.12.2024 | 18:30
Կրասնոդարում դպրոցականների վրա դանակով հարձակված դեռահասի ծնողները կվտարվեն Ռուսաստանից՝ երկրում կեցության ռեժիմը խախտելու համար։ Այս մասին հայտնում է Կուբանի դատարանների համատեղ մամուլի ծառայությունը, գրում է ՌԻԱ Նովոստին։
«Դատարանը որոշել է երկուսին էլ մեղավոր ճանաչել և ենթարկել վարչական տույժի՝ 2000 ռուբլու չափով տուգանքի՝ Ռուսաստանից վարչական հարկադիր արտաքսմամբ, օտարերկրյա քաղաքացիների ժամանակավոր պահման վայրում նախնական տեղավորմամբ»,- ասվում է հաղորդագրությունում։
Նշվում է, որ նրանք Հայաստանի քաղաքացիներ են։
Դեռահասը մեղադրվում է խուլիգանության մեջ։ Չորեքշաբթի դատարանը նրան չի կալանավորել և խափանման միջոց է կիրառել որոշ գործողությունների արգելքի տեսքով, մասնավորապես, նա չի կարող դպրոց հաճախել կամ օգտվել համացանցից։
Կրասնոդարի թիվ 94 դպրոցում միջադեպը տեղի է ունեցել դեկտեմբերի 6-ի երեկոյան։ Տեղի իշխանությունները հայտնել էին երկու դեռահասների մասին, որոնք դանակի վնասվածքներ են ստացել: Երեխաների օմբուդսմեն Մարիա Լվովա-Բելովայի խոսքով՝ չորս երեխա հոսպիտալացվել է։ Բոլոր տուժածները դուրս են գրվել և տեղափոխվել ամբուլատոր բուժման։
Թարգմանությունը՝ Էմմա Չոբանյանի
