20.02.2026 | 14:14
Պուտինը ՌԴ ԱԳ փոխնախարարին Թուրքիայում դեսպան է նշանակել
Մալիբուում խոշոր անտառային հրդեհ է մոլեգնում, որը սպառնում է հոլիվուդյան աստղերի առանձնատներին․ ՏԵՍԱՆՅՈՒԹ
Քաղաքականություն
11.12.2024 | 20:27
ԱՄՆ-ի ամենահարուստ քաղաքներից մեկի՝ Մալիբուի արվարձանում, որտեղ հոլիվուդյան աստղերի ու միլիարդատերերի բազմաթիվ շքեղ առանձնատներ կան, բնական խոշոր հրդեհ է մոլեգնում։ Հազարավոր հեկտարներ կրակի են մատնվել, ուժեղ քամու պատճառով այն արագորեն տարածվում է։
Ամենուր ծուխ է, տեսանելիությունը գործնականում զրոյական է։ Ճանապարհներին վարորդները հրդեհի թակարդում հայտնվելու վտանգի տակ են։ Աղետը կասեցնել դեռևս չի հաջողվում։ Լրատվամիջոցների տվյալներով՝ մինչև 8000 առանձնատուն կարող է ոչնչացման սպառնալիքի տակ լինել։
CBS news-ը հայտնում է, որ «Ֆրանկլին» հրդեհը գիշերը հասել է Փեփերդայն համալսարանի կամպուսին՝ այրելով ավելի քան 3000 ակր տարածք, հազարավոր մարդիկ ստիպված են եղել տարհանվել։
Երեքշաբթի մամուլի ասուլիսում շրջանի պաշտոնյաները հայտնել են, որ նախնական տեղեկությունների համաձայն՝ հրդեհը ոչնչացրել է յոթ շինություն և ութը՝ վնասել։
Թարգմանությունը՝ Տաթև Ֆռանգյանի
