08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Սիրիայի անցումային կառավարության վարչապետը կայունության և հանգստության կոչ է անում
Քաղաքականություն
11.12.2024 | 13:10
Սիրիայի անցումային կառավարության վարչապետ Մուհամեդ ալ-Բաշիրը հայտարարել է՝ ժամանակն է, որ սիրիացիները «վայելեն կայունությունն ու հանգստությունը»՝ նախկին նախագահ Բաշար Ասադի վարչակարգի տապալումից հետո, գրում է BBC-ի ռուսական ծառայությունը:
Իդլիբ նահանգի ապստամբների վարչակազմի նախկին ղեկավար Ալ-Բաշիրը հարցազրույց է տվել Al Jazeera հեռուստաալիքին այն բանից հետո, երբ Հայաթ Թահրիր ալ-Շամը (HTS) և նրա դաշնակիցները նրան հանձնարարել են կառավարել երկիրը մինչև 2025 թվականի մարտը:
Երեքշաբթի նա նախագահել է Դամասկոսում կայացած հանդիպումը, որը համախմբել է նոր անցումային կառավարության և Ասադի ժամանակաշրջանի նախկին կաբինետի անդամներին՝ քննարկելու իշխանության փոխանցման հարցը:
«Այսօր մենք կառավարության նիստ ունեցանք, մենք հրավիրեցինք հին կառավարության անդամներին և Իդլիբի ու հարակից շրջանների վարչակազմի ղեկավարներին՝ հեշտացնելու աշխատանքը առաջիկա երկու ամիսների ընթացքում, մինչև կունենանք սահմանադրական համակարգ, որը կարող է ծառայել Սիրիայի ժողովրդին։ Մենք այլ հանդիպումներ ունեցանք հաստատությունները վերագործարկելու համար, որպեսզի նրանք կարողանան ծառայել մեր ժողովրդին Սիրիայում»,- ասել է ալ-Բաշիրը Al Jazeera-ին:
Թարգմանությունը՝ Տաթև Ֆռանգյանի
