26.05.2026 | 14:34
Հայ հեծանվորդը հաղթել է միջազգային մրցաշարում
Վրաստանը հնարավոր չէ վերածել Բելառուսի. Առնոլդ Ստեփանյան. ՏԵՍԱՆՅՈՒԹ
Քաղաքականություն
10.12.2024 | 21:00
Վրաստանի խորհրդարանական ընտրությունները մասամբ կեղծված էին, սակայն իրական արդյունքներն այնքան էլ չեն փոփոխվում, տարբերությունը կարող է 7-8%-ի սահմաններում լինել։ Բացի այդ, մինչև բուն ընտրությունները իշխանությունը տարբեր ռեսուրսներ է օգտագործել, Factor TV-ի հետ զրույցում նշում է «Բազմազգ Վրաստան» ՀԿ ղեկավար Առնոլդ Ստեփանյանը։
Այժմյան բողոքի ակցիաների անցկացման հարցում գլխավոր դերը, ըստ նրա, եվրաինտեգրումը դադարեցնելու՝ «Վրացական երազանքի» հայտարարությունն է։
Անդրադառնալով ընդդիմության ծրագրերին՝ Ստեփանյանը նշում է՝ խնդիրն այն է, որ ընդդիմությունը չունի առաջնորդ և ծրագիր, որը ստեղծված իրավիճակից ելք կառաջարկեր։
Մեկնաբանելով Արևմուտքի հետ ինտենսիվ կապերի քաղաքականությունից հեռանալու և Ռուսաստանի հանդեպ ավելի լոյալ օրակարգի անցնելու՝ Վրաստանի մոտեցումը՝ Առնոլդ Ստեփանյանը կարծիք է հայտնում, որ տեղի ունեցողը միանշանակ Ռուսաստանի մերձեցում է։ Սակայն, ըստ նրա, Վրաստանն անհնար է վերածել Բելառուսի։
Հարցազրույցն ամբողջությամբ՝ տեսանյութում։
Սամվել Մելիքսեթյան
