22.04.2026 | 23:30
ՀՀ տարածքում ավտոճանապարհները հիմնականում անցանելի են
Աննա Հակոբյանի ազգականի մասնակցությունը Գյումրիի փրայմերիզին ԽԾԲ չէ՞. մեկնաբանում է Ալեքսանյանը. ՏԵՍԱՆՅՈՒԹ
Քաղաքականություն
10.12.2024 | 12:45
Արդեն երրորդ օրն է՝ Գյումրիում տեղի են ունենում նախնական ընտրություններ, որոնց արդյունքներով կորոշվի քաղաքապետի ժամանակավոր պաշտոնակատարի թեկնածուն։ Factor TV-ի նկահանող խումբը հետևում է Գյումրիի նախնական ընտրությունների ընթացքին։
Նշենք, որ առաջադրված թեկնածուների թվում է նաև Գյումրի համայնքի ղեկավարի տեղակալ Վահագն Մկրտչյանը, որն, ըստ մամուլի հրապարակումների, վարչապետի տիկնոջ՝ Աննա Հակոբյանի ազգականն է։
Factor TV-ի լրագրողը ՔՊ վարչության փոխնախագահ Վահագն Ալեքսանյանից հետաքրքրվեց, թե մտավախություն չունե՞ն, որ Աննա Հակոբյանի ազգականը կընտրվի ժամակավոր պաշտոնակատար, հետագայում նաև քաղաքապետի թեկնածու՝ այսպիսով խնամի-ծանոթ- բարեկամ ինստիտուտի մեխանիզմները նաև իրենց իշխանության օրոք են լինելու։ Ի պատասխան, Վահագն Ալեքսանյանը նշեց․
«Տվյալ թեկնածուն, նախ պետք է հաղթի նախնական ընտրություններում։ Եթե ձեր ասածով առաջնորդվենք, կնշանակի, որ գյումրեցիներն իրենց տանը նստած ընտրում են խնամի- ծանոթ, բարեկամ սկզբունքից ելնելով, ինչն, իմ կարծիքով, այդպես չէ։ Մեր բոլոր գործընկերներն էլ, 7 թեկնածուները շատ արժանիքներ ունեն։ Վստահ եմ՝՝ հենց այդ արժանիքների շնորհիվ է, որ նրանք գյումրեցիների կողմից կստանան համապատասխան ձայն»։
Մանրամասները՝ տեսանյութում։
