08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
ՔՆՆԱՐԿՈՒՄ. Կոռուպցիան՝ լրջագույն սպառնալիք․ ինչո՞ւ չի հաջողվում հաղթահարել այն
Քաղաքականություն
09.12.2024 | 20:30
Դեկտեմբերի 9-ը Կոռուպցիայի դեմ պայքարի միջազգային օրն է։ ԱՄՆ Միջազգային զարգացման գործակալությունը, ՀՀ Արդարադատության նախարարությունը նոյեմբերի 16-ից սկսած՝ անցկացնում են համապետական արշավ՝ «Համախմբենք ուժերը՝ կանխենք կոռուպցիան» խորագրով։ Հակակոռուպցիոն այս արշավը նպատակ ունի նվազեցնելու կոռուպցիոն ռիսկերը, ինչպես նաև խթանելու հաշվետու և թափանցիկ կառավարման հասարակական պահանջը։
Factor TV-ն նույնպես միացել է այս արշավին՝ անցկացնելով «Քաղաքացիական վերահսկողությունը և մեդիայի դերը պետական հաստատություններում կոռուպցիոն ռիսկերի կառավարման գործընթացում» թեմայով քննարկումը, որը շեշտադրում է քաղհասարակության և մեդիայի առանցքային դերը թափանցիկության, հաշվետվողականության խթանման գործում։ Քննարկվել են առկա մարտահրավերները, ինչպես նաև՝ այն գործիքակազմերը, որոնք կնպաստեն կոռուպցիայի հաղթահարմանը՝ որպես հասարակական չարիք, ինչպես նաև՝ քաղաքացիական վերահսկողությանը, կառավարության հաշվետվողականությանը:
Պանելային քննարկման բանախոսներն են Եփրեմ Կարապետյանը՝ ԱՆ Հակակոռուպցիոն քաղաքականության մշակման և մոնիթորինգի վարչության պետ, Սոնա Այվազյանը՝ «Թրանսփարենսի Ինթերնեշնլ հակակոռուպցիոն կենտրոնի» գործադիր տնօրեն, Դանիել Իոաննիսյանը՝ «Իրազեկ քաղաքացիների միավորման» ծրագրերի համակարգող, Քրիստինե Բարսեղյանը՝ «Հետք» ՍՊԸ-ի տնօրեն։
