10.08.2026 | 22:44
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայի առաջնահերթությունը Սիրիայում կլինի քրդական ուժերի դեմ պայքարը. Hurriyet
Քաղաքականություն
09.12.2024 | 21:28
Թուրքիան նշել է Սիրիայում իր քաղաքականության երեք հիմնական ուղղությունները, որոնց թվում է թուրքական իշխանությունների կողմից արգելված Քուրդիստանի աշխատավորական կուսակցության դեմ հակազդեցությունը, գրում է Hurriyet-ը։
Բացի այդ, պարբերականը Անկարայի առաջնահերթություններից է անվանում «անցումային գործընթացի պատշաճ գործունեությունը և նոր Սիրիայի կառուցումը», փոխանցում է Կոմերսանտը:
Նշվում է, որ թուրքական իշխանությունները շահագրգռված են նաև սիրիացի փախստականների վերադարձով, որոնց թիվը Թուրքիայում 2 միլիոն 938 հազար է։ Բացի այդ, Անկարան «կշարունակի ջանքերը սիրիացիների անվտանգ և կամավոր վերադարձի և երկրի վերականգնման համար»:
Սիրիայի արևելքում և հյուսիս-արևելքում գտնվող տարածքների մեծ մասը վերահսկվում է ԱՄՆ-ի կողմից աջակցվող քրդական «Սիրիայի դեմոկրատական ուժերի» (SDF) կողմից՝ Ռաքքա, Հասաքա և Դեյր էս Զոր նահանգների մի մասը: Վերջինի վարչական կենտրոնի շրջակայքում կան խոշոր նավթահանքեր՝ ալ-Թանաքը և ալ-Օմարը։ SDF-ը ռազմական դաշինք է, որի շրջանակում գործում են քրդական ստորաբաժանումները։
Թարգմանությունը՝ Տաթև Ֆռանգյանի
