30.04.2026 | 18:30
Հնդկաստանն ու Հայաստանը ռազմական տեխնիկայի համատեղ մշակում են սկսել. The Indian Express
Սիրիացի ապստամբները պնդում են՝ Ասադը փախել է, Դամասկոսն «ազատ» է․ CNN
Քաղաքականություն
08.12.2024 | 08:03
Սիրիայի ապստամբ ուժերը պնդում են, որ մտել են Դամասկոս, CNN-ի աղբյուրը փոխանցել է, որ նրանք առանցքային դիրքեր են գրավել մայրաքաղաքում:
«Ռազմական առումով Դամասկոսն ընկել է», – ասել է աղբյուրը այն բանից հետո, երբ ապստամբների դաշինքը կայծակնային հարձակման է ենթարկել ողջ երկիրը:
«Մենք Դամասկոսն ազատ ենք հռչակում բռնակալ Բաշար ալ-Ասադից»,- հայտարարել է Ռազմական գործողությունների հրամանատարությունը Telegram-ում հրապարակված գրառման մեջ։
Աղբյուրի փոխանցմամբ՝ Սիրիայի առաջնորդ Բաշար ալ-Ասադը լքել է Դամասկոսը, սակայն Սիրիայի նախագահական գրասենյակը և Իրանի պաշտոնյաները պնդում են, որ նա չի հեռացել մայրաքաղաքից:
ԱՄՆ պաշտոնյաները CNN-ին ասել են, որ նրա ռեժիմը շուտով կարող է տապալվել:
Ապստամբներն ասում են, որ կապի մեջ են Ասադի ռեժիմի բարձրաստիճան սպաների հետ, որոնք մտածում են դասալքության մասին:
Սիրիացի ապստամբները նաև հայտարարում են, որ իրենք «լիովին ազատագրել են» մեծությամբ երրորդ քաղաքը՝ Հոմսը, Հալեպը գրավելուց ընդամենը մեկ շաբաթ անց:
