05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Կրիպտոարժույթների առևտրի ծավալը հասել է ռեկորդային 10 տրիլիոն դոլարի
Քաղաքականություն
06.12.2024 | 22:46
Կրիպտոարժույթների առևտրի ծավալը բորսաներում նոյեմբերին հասել է ռեկորդային բարձր մակարդակի՝ գերազանցելով 10 տրիլիոն դոլարը: Այս մասին հայտնում է Bloomberg-ը։
Առևտրի ընդհանուր ծավալը նախորդ ամսվա համեմատ կրկնապատկվել է։ Այս աճը պայմանավորված է ԱՄՆ նորընտիր նախագահ Դոնալդ Թրամփի վարչակազմի օրոք ոլորտի համար առավել բարենպաստ կարգավորող միջավայրի վերաբերյալ լավատեսությամբ: Այս ֆոնին բիթքոինի փոխարժեքն աճել է 38%-ով՝ սահմանելով պատմական առավելագույն՝ շուրջ 100 հազար դոլար։
«Լավատեսությունն այս հարցում տեսանելի է այնպիսի ակտիվների նկատմամբ, ինչպիսին Ripple-ն է, որը նախկինում հաճախ ենթարկվում էր խիստ կարգավորող վերահսկողության»,- ասում է CCData-ի ավագ վերլուծաբան Ջեյքոբ Ջոզեֆը:
Ակտիվության առանձնահատուկ աճ է գրանցվել հարավկորեական սփոթ կրիպտո բորսաներում, ինչպիսին է Upbit-ը, որտեղ թրեյդերներն ակտիվորեն ներդրումներ էին կատարում altcoin-ներում: CME-ում՝ կրիպտոարժույթի ֆյուչերսների առաջատար ինստիտուցիոնալ հարթակում, առևտրի ընդհանուր ծավալն աճել է 83%-ով՝ հասնելով 245 միլիարդ դոլարի, ինչը բորսայի համար պատմության ամենաբարձր ցուցանիշն է:
Թարգմանությունը՝ Տաթև Ֆռանգյանի
