08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Սիրիական բանակը հայտնել է ռազմավարական Համա քաղաքը կորցնելու մասին․ կառավարական զորքերը դուրս են բերվել
Քաղաքականություն
05.12.2024 | 17:09
Սիրիայի բանակը խոստովանել է, որ 2011 թվականին պատերազմի բռնկումից ի վեր առաջին անգամ կորցրել է վերահսկողությունը ռազմավարական Համա քաղաքի նկատմամբ՝ զինյալների ինտենսիվ հարձակման ֆոնին, գրում է Arab new-ը՝ վկայակոչելով AFP-ին։
«Վերջին մի քանի ժամվա ընթացքում մեր զինվորների և ահաբեկչական խմբավորումների միջև բախումների սրման հետ մեկտեղ՝ այս խմբավորումները կարողացել են ճեղքել քաղաքի մի շարք հատվածներ և ներխուժել»,- ասվում է բանակի հայտարարության մեջ։
Նշվում է, որ «այնտեղ տեղակայված զինվորական ստորաբաժանումները վերատեղակայվել են» քաղաքից դուրս:
Հիշեցնենք, որ ավելի վաղ սիրիացի ապստամբները, որոնք վայելում են Անկարայի աջակցությունը, հայտարարել էին Համայի վրա հարձակում ձեռնարկելու և քաղաք մտնելու մասին։
Թարգմանությունը՝ Էմմա Չոբանյանի
