Ֆրանսիան Ադրբեջանին մեղադրում է առցանց մանիպուլյացիոն արշավների մեջ

Ֆրանսիական կառավարական գործակալության նոր զեկույցում Ադրբեջանը մեղադրվում է Ֆրանսիայի և Կորսիկայի տարածքներում ինտերնետի օգտատերերի մանիպուլյացիաի մեջ։ Դեկտեմբերի 2-ին հրապարակված զեկույցում Ֆրանսիայի տեխնիկական գործակալությունը (VIGINUM), որը պատասխանատու է օտարերկրյա թվային միջամտության մոնիթորինգի համար, հրապարակել է Բաքվի նախաձեռնող խմբի (BIG) վերաբերյալ մոնիթորինգի արդյունքները, որը պետական հովանավորվող կազմակերպություն է Ադրբեջանում։

2023 թվականի հուլիսից մինչև 2024 թվականի հոկտեմբերը VIGINUM-ը դիտարկել է BIG-ի հետ կապված սոցիալական լրատվամիջոցների օգտահաշիվները, որոնք տարածել են «Ֆրանսիայի նկատմամբ վճռականորեն թշնամաբար տրամադրված խմբագրված» բովանդակություն: Այս արշավները շահագործել են  այնպիսի իրադարձություններ, ինչպիսիք են 2024 թվականի մայիսին Նոր Կալեդոնիայում տեղի ունեցած անկարգությունները:

Հիմնվելով X սոցցանցի տարբեր օգտահաշիվներից հավաքագրված տվյալների վրա՝ VIGINUM-ը հաստատել է, որ այս տարբեր փորձերում օգտագործվել են արհեստական ​​ուժեղացման ընթացակարգեր։

Ըստ զեկույցի՝ BIG-ի մարտավարությունն այնուհետև զարգացել է՝ խթանելու հուշագրերի ստորագրումը ֆրանսիական անդրծովյան տարածքների անկախության կուսակցությունների հետ, միաժամանակ, ընդլայնելով կապերը համաաֆրիկյան ոլորտների հետ:

VIGINUM-ը նշում է, որ դա, ամենայն հավանականությամբ, պատասխան էր X-ի կողմից խմբի հաշիվների մեծ մասի ճնշման:

Սակայն, ըստ VIGINUM-ի եզրակացության, BIG-ը «չի կարողացել հասնել այն տեսանելիությանը, որը, հավանաբար, ակնկալվում էր արտասահմանյան ֆրանսիական տարածքներում և Կորսիկայում ապրող մարդկանց շրջանում»:

Զեկույցում ամփոփվում է, որ թեև BIG-ը չի հասել իր նպատակներին, այն կարելի է համարել «Ֆրանսիայի դեմ աշխատող պետական ​​քարոզչական գործակալություն, որի ռազմավարությունն է օգտագործել արտերկրում հանրային բանավեճը՝ հասնելու Ադրբեջանի արտաքին քաղաքական նպատակներին»:

Թարգմանությունը՝ Էմմա Չոբանյանի